Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 84-1} uṟu vaḷi tūkkum uyar ciṉai māviṉ
• {KALI 84-2} naṟu vaṭi ār iṟṟavai pōl aḻiya
• {KALI 84-3} karantu yāṉ arakka um kai nillā vīṅki
• {KALI 84-4} curanta eṉ mel mulai pāl paḻutu āka nī
• {KALI 84-5} nal vāyil pōttanta poḻutiṉāṉ ellā
• {KALI 84-6} kaṭavuḷ kaṭi nakar tōṟum ivaṉai
• {KALI 84-7} valam koḷīi vā eṉa ceṉṟāy vilaṅkiṉai
• {KALI 84-8} īram ilāta ivaṉ tantai peṇṭir uḷ
• {KALI 84-9} yār il tavirntaṉai kūṟu
• {KALI 84-10} nīr uḷ aṭai maṟai āy itaḻ pōtu pōl koṇṭa
• {KALI 84-11} kuṭai niḻal tōṉṟum niṉ cemmalai kāṇūu
• {KALI 84-12} ivaṉ maṉṟa yāṉ nōva uḷḷam koṇṭu uḷḷā
• {KALI 84-13} makaṉ allāṉ peṟṟa makaṉ eṉṟu akal nakar
• {KALI 84-14} vāyil varai iṟantu pōttantu tāyar
• {KALI 84-15} teruvil tavirppa tavirntaṉaṉ maṟṟu avar
• {KALI 84-16} tam tam kalaṅkaḷ uḷ kaiyuṟai eṉṟu ivaṟku
• {KALI 84-17} ottavai ārāyntu aṇintār piṟaṉ peṇṭir
• {KALI 84-18} īttavai koḷvāṉ ām iḵtu ottaṉ cīttai
• {KALI 84-19} ceṟu takkāṉ maṉṟa peritu
• {KALI 84-20} ciṟu paṭṭi ētilār kai emmai eḷḷupu nī toṭṭa
• {KALI 84-21} mōtiram yā ō yām kāṇku
• {KALI 84-22} avaṟṟu uḷ naṟā itaḻ kaṇṭaṉṉa ce viraṟku ēṟpa
• {KALI 84-23} cuṟā ēṟu eḻutiya mōtiram toṭṭāḷ
• {KALI 84-24} kuṟi aṟintēṉ kāmaṉ koṭi eḻuti eṉṟum
• {KALI 84-25} ceṟiyā parattai ivaṉ tantai mārpil
• {KALI 84-26} poṟi oṟṟi koṇṭu āḷval eṉpatu taṉṉai
• {KALI 84-27} aṟīiya ceyta viṉai
• {KALI 84-28} aṉṉai ō iḵtu oṉṟu
• {KALI 84-29} muntaiya kaṇṭu um eḻukallāta eṉ muṉṉar
• {KALI 84-30} venta puṇ vēl eṟintaṟṟu ā iḵtu oṉṟu
• {KALI 84-31} tantai iṟai toṭi maṟṟu ivaṉ taṉ kai kaṇ
• {KALI 84-32} tantār yār ellāa itu
• {KALI 84-33} iḵtu oṉṟu eṉ ottu kāṇka piṟar um ivaṟku eṉṉum
• {KALI 84-34} taṉ nalam pāṭuvi tantāḷ ā niṉṉai
• {KALI 84-35} itu toṭuka eṉṟavar yār
• {KALI 84-36} añcāti nī um tavaṟu ilai niṉ kai itu tanta
• {KALI 84-37} pū eḻil uṇ kaṇ avaḷ um tavaṟu ilaḷ
• {KALI 84-38} vēṉil puṉal aṉṉa nuntaiyai nōvār yār
• {KALI 84-39} mēl niṉṟu um eḷḷi itu ivaṉ kai tantāḷ
• {KALI 84-40} tāṉ yār ō eṉṟu viṉaviya nōyppālēṉ
• {KALI 84-41} yāṉ ē tavaṟu uṭaiyēṉ